Сайт находится на реконструкции

В настоящее время мы работаем над своим сайтом

Loading
SFI Management Group – bu muvaffaqiyatga yo'nalgan kompaniya
(78) 150-30-70, 150-30-80
Yagona telefon raqami
O'zbekiston, Toshkent sh., Bunyodkor ko'chasi 42/1
«Ўзметкомбинат» маҳсулот экспортини йилига 350 минг тоннага етказмоқчи
25.11.2019

Жорий йилда «Ўзметкомбинат» тайёр маҳсулот экспортини йилига 350 минг тоннагача етказмоқчи ва бу режалар  аниқ асосга эга. Комбинат маҳсулотига талаб, хусусан МДҲ давлатларида ортиб бормоқда. Корхона матбуот хизмати берган маълумотга кўра, бунинг сабаби - чет бозорларига махсулотни илгари суриш стратегиясининг қўлланилиши, шунингдек ташиш ва логистика шароитларининг  яхшиланиши билан боғлиқ. 

Яқинда Мосвада бўлиб ўтган «Металл-Экспо» халқаро ярмаркада комбинат вакиллари Украина ва Россиянинг  қатор компаниялари билан музокаралар олиб боришди. Таъкидлаш лозимки, комбинат учун мазкур ярмарка Россиянинг шу каби етакчи тадбирларида иштирок этишнинг илк тажриба  вазифасини бажарди.

Музокаралар натижалари бўйича Россиянинг «Галлактика» ва  «Метр» компаниялари «Ўзметкомбинат»нинг рангли металлар ва микрокремнеземдан иборат маҳсулотини, Украинанинг «Содружество» компанияси эса пўлатли шарлар ва  турли ҳажмдаги  арматурани харид қилишга тайёр эканликларини билдиришди. 

 «Тахминларга кўра,  бу корхоналарга илк маҳсулот етказиб бериш 2020  йилнинг  ўрталаригача амалга оширилади. Бу  ҳали бошланиши. Кўргазмада иштирокимиз натижалари бўйича кўплаб учрашув ва музокаралар ўтказилиб,  уларни  янги шартномалар кўринишга айлантиришга ҳаракат қиламиз», - деб айтди  «Ўзметкомбинат» ишлаб чиқариш бошқармаси  бошлиғи Рахмат Иномов.

Бугунги кунда «Ўзметкомбинат» минтақада қора металлургия соҳаси бўйича етакчи корхона бўлганлиги боис, унинг маҳсулотлари  барча қўшни давлатларга экспорт қилинмоқда.  Масалан,  Афғонистон ва Қозоғистон металл прокати,  Қирғизистон ва Россия  мис қотишмалари, Тожикистон сирланган контейнерлар,  металл  прокати, иссиқлик сақловчи материаллар, Туркманистон – қурилиш материалларини харид қилиб келмоқда. Айни пайтда  Озарбайжонга  мис ва қотишмаларни  эскпорт қилишни ташкил этиш бўйича ишлаб олиб борилмоқда. 

2017 йилда давлат раҳбари томонидан  комбинат ишлаб чиқариш қувватлари ва  молиявий-иқтисодий аҳволини тубдан яхшилашга қаратилган  чоралар тасдиқланган эди. Натижада комбинат хорижнинг SFI Management Group  компаниясига ишончли бошқарув асосида топширилган.  Эътироф этиш керакки,  мазкур компания қисқа муддат ичида  сезиларли натижаларга эриша олди.

Масалан, бир йилдан сўнг  комбинатда ферроқотишмаларни ишлаб чиқариш бўйича янги цех ишга туширилди. Янги ишлаб чиқаришнинг фойдаланишга топшириш жараёнида Ўзбекистон Республикаси Президенти Шавкат Мирзиёевнинг  иштирок этганлиги  мазкур воқеага алоҳида шукуҳ ва тантанаворлик  бахш этди.  Лойиҳа  қиймати 60 миллион долларни ташкил қилиб,  бундан 17 миллион доллар Кореянинг Эксимбанки томонидан ажратилган. 

«Жами 2018 йилнинг  сентябрь ойида завод  томонидан 18 минг тонна  шу маҳсулотдан тайёрланган. Цехда 290 киши меҳнат қилмоқда. Лекин бу борада биз аввалом бор, республикада импорт ўрнини босувчи маҳсулот ишлаб чиқаришга эътибор қаратишимиз, экспорт ҳажмини ҳам ошириб боришимиз  талаб этилади. Келажакда яна 2 та печь қурилади,  ишлаб чиқариш ҳажми қўшимча равишда яна 30 минг тоннагача ошиб, умумий  ҳисобда 55 минг тонна  ферроқотишмалар тайёрланади», - деб  таъкидлади  «Ўзметкомбинат»нинг ферроқотишмалар цехи бошлиғи  Дилшод Дўсматов.

Кейинги икки йилда корхонанинг  молиявий аҳволи барқарорлашди,  янги инвестицион лоийҳаларни амалга ошириш бошлаб юборилди.   Янги қуйиш-прокат цехининг  қурилиши – шундай лойиҳалардан  энг муҳими саналади. 

Италиянинг Danieli компанияси томонидан қурилаётган  мазкур қуйиш-прокат цехи 2022  йилда ишга туширилади. Унинг  ишга туширилиши билан бир миллион тонна тунука маҳсулотини ишлаб чиқариш учун тегишли шароитлар яратилиб, 1000дан ортиқ киши иш билан таъминланади. 

Лойиҳанинг амалга ошишидан сўнг, завод  томонидан тайёр маҳсулот ишлаб  чиқариш ҳажми  йилида 2.1 миллион тоннага етказилади.  Таққослаш учун айтиш мумкинки,  2018  йилда комбинат 1 миллионга яқин тайёр маҳсулот ишлаб чиқарган.   

boshqa yangiliklar:
Ўзбекистонда қурилиш учун металл буюмлар сифатини назорат қилиш тизими такоми...
03.01.2020
«Ўзиккиламчирангиметалл» рангли металл йиғиш ҳажмини 9 фоизга оширди
30.12.2019
Тўғри ёндашув. «Ўзиккиламчиранглиметалл» ходимлари ўз малакаларини оширмоқдалар
27.12.2019
Ягона мақсад сари. Тошкент металлургия заводи инсон ва тақдирлар талқинида
26.12.2019
Электроника заргузаштлари ёки «Ўзиккиламчиранглиметалл» маиший ва ортехникани...
25.12.2019
Menyu